Cine David Lynch recibe na so casa’l Gran Premiu Honoríficu de Sitges 2020 by redacción asturnews 20 d'ochobre, 2020 written by redacción asturnews 20 d'ochobre, 2020 2,4K El director David Lynch recibió esti domingu’l Gran Premiu Honoríficu de Sitges 2020 na clausura virtual del 53 Festival Internacional de Cinema Fantàstic de Catalunya, na que tamién se proyectó una remasterización de ‘L’home elefante’ a cargu del mesmu cineasta nel 40 aniversariu del so estrenu. Dende la so casa en Los Angeles (Estaos Xuníos), Lynch abrió la caxa que contenía’l galardón: “¡Tol camín dende España! Tien que ser una guapura”, comentó, mientres la abrir. De siguío, el cineasta estimó’l premiu al director del director del certame, Ángel Sala, deseyó lo meyor a toos y afirmó en castellán: “Bien de gracies”. Con esta distinción, el festival quixo reconocer al director como “artista total con múltiples facetes dientro del mundu cinematográficu (director, guionista, productor o actor) y n’otres artes como la pintura, la música, el diseñu, la fotografía o la publicidá”, destacó’l Festival nun comunicáu. Foi una edición na que tamién se premió a l’actriz Nawja Nimri, al actor Manuel de Blas, al director Paco Plaza y al diseñador de soníu Oriol Tarragó, con otros galardones del certame. El thriller distópico ‘Possessor’, de Brandon Cronenberg, foi la cinta trunfadora de la Sección Oficial Fantàstic del festival, colos premios a Meyor Película y Meyor Dirección, nun palmarés partíu nel que ‘La Nuée’, de Just Philippot, llevóse los galardones a Meyor Interpretación Femenina y el Premiu Especial del Xuráu. Los actores Grégoire Ludig y David Marsais, d’unu de los fenómenos del festival, la película ‘Mandíbules’, lleváronse ‘ex aequo ‘el de Meyor Interpretación Masculina, y la Meyor Música foi para ‘Baby’, del vascu Juanma So Ulloa, ente otros galardones. El festival tuvo marcáu pola pandemia del coronavirus con una llimitación d’aforu, primero al 70% y darréu al 50% coles nueves restricciones anunciaes pola Generalitat, y midíes de prevención ya hixene nuna edición con un formatu híbridu. 0 FacebookTwitterPinterestEmail Anterior L’Alcalde d’Uviéu recibió a embaxadores de Francia, Italia y Suiza siguiente Nomáu’l Conseyu Asesor de Política Llingüística que va entamar el 22 de ochobre Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...