David Acera estrena con “Fábules y mitos d’ayeri y de güei” la nueva temporada de Cuentacuentos Infantiles

David Acera estrena con “Fábules y mitos d’ayeri y de güei” la nueva temporada de Cuentacuentos Infantiles
14 ochobre 10:04 2021 Imprimir

La nueva temporada de Cuentacuentos Infantiles nos Centros Culturales municipales d’Avilés empieza esti xueves. David Acera va averar a les neñes y los neños les hestories de siempre con “Fábules y mitos d’ayeri y güei”, en Los Canapés, a les 18.00 hores.

Destinaes a públicu infantil d’ente 4 y 9 años, l’asistencia ye gratuita y con places llindaes, polo que ye necesaria la inscripción nes mesmes biblioteques. Nesta propuesta, neños y neñes, según los adultos que los acompañen, van atopar con hestories que-yos van prestar y nes que, quién sabe, quiciabes puedan atopar dalguna aplicación pa la so equí y agora.

Cera convierte los sos espectáculos nun llugar d’alcuentru, porque como él mesmu diz, “los universos que caben na palabra dicha lleven acompañándonos dende la nueche de los tiempos ensin distinción d’edá”.

Calendariu de “Fábules y mitos d’ayeri y de güei”

28 d’ochobre, xueves, 18.00 hores. Centru Cultural de La Carriona
29 d’ochobre, vienres, 18.00 hores. Biblioteca Bance Candamo

  Categories: