Dave Gibbons, dibuxante de ‘Watchmen’, va tar nel Salón del Cómic de Barcelona

Dave Gibbons, dibuxante del famosu cómic de superhéroes Watchmen, va ser unu de los invitaos d’honor nel 35 Salón Internacional del Cómic de Barcelona, qu’empieza esti 30 de marzu na Fira Barcelona Montjuic, sigún informó esta selmana la organización del eventu.

Gibbons tien un llargu percorríu como ilustrador de superhéroes, al traviés del so trabayu coles más grandes editoriales del cómic estadounidense, como DC Comics, onde dibuxó personaxes célebres como Llinterna Verde, Batman y Superman; anque la so obra más reconocida ye “Watchmen”, qu’ellaboró xuntu al guionista Alan Moore.

Pal ilustrador británicu, “Watchmen” significó’l saltu a la fama, pos foi ganadora de prestixosos galardones del cómic, como los premios Kirby, Harvey y Eisner; y tamién se convirtió na primer novela gráfica en ganar un premiu Hugo, destináu a condecorar obres de ciencia ficción y fantasía.

La presencia de Gibbons en Barcelona debese a la collaboración del Salón del Cómic con ECC Ediciones, quien tamién van traer a otru autores reconocíos del mundu de los superhéroes, como Gene Hai, Jill Thompson, Yancey Labat y Mitch Gerards.