Darréu refuga con pancartes l’asfaltáu de la Ruta l’Alba

04 11:57 2009 Imprimir

La organización de mocedá Darréu punxo delles pancartes a l’entamu de la Ruta l’Alba como refuga a l’asfaltáu de la mesma. Les pancartes punxieronse en Soto d’Agues y na zona d’obres.

Según la organización “van destinase 684.000 euros a la destrucción de 3 nuevos kilómetros de la ruta l’Alba correspondientes al recorriu ente Puente na Vega y Cruz de los rios”, que xeneren “pretestes abondu de montañeros, senderistes y pola propia xente de los pueblos afeutaos, ente les reivindicaciones de la xente puen sintise coses como “Que’l formigón supondrá un grave impautu ecolóxicu pa les especies presentes na ruta” y que “La ruta, al nun ser de gran dificultá nun necesitaba asfaltase”.

La mocedá, venceyada a Andecha Astur, pide responsabilidades “directes” d’estos fechos a la viceconseyera de mediu ambiente Belén Fernández y el so equipu, pues camiente que ye “intolerable un ataque asina a la ñatura, por fierru que quieran quita-y a l’asuntu”.

  Categories:
Loading Facebook Comments ...