Daniel Espinosa va dirixir a Jared Leto en ‘Morbius’, lo nuevo de SpiderMan

Daniel Espinosa va dirixir a Jared Leto en ‘Morbius’, lo nuevo de SpiderMan
28 xunu 12:08 2018 Imprimir

El director suecu d’orixe chilenu Daniel Espinosa va dirixir al actor estadounidense Jared Leto en Morbius, una cinta derivada del universu cinematográficu del estudiu Sony sobro les hestories de SpiderMan, sigún The Hollywood Reporter.

Morbius, villanu de les hestories sew Spiderman, ye un científicu que carez una enfermedá sanguínea, pero los sos intentos pa curase a sí mesmu conviértenlu finalmente nuna especie de vampiru. Esti personaxe foi creáu por Roy Thomas y Gil Kane y apaeció per primer vegada nun cómic en 1971 nel númberu 101 de The Amazing SpiderMan. Morbius va ser xuna nueva pieza del puzle cinematográficu que ta preparando Sony sobro les aventures de SpiderMan. La primer película d’esti proyectu foi Spider-Man: Homecoming (2017), que cuntó con Tom Holland como protagonista y que recaldó en tol mundu 880 millones de dólares.

La continuación d’esti filme va titulase SpiderMan: Far From Home y va llegar a los cines en xunetu de 2019. Coles mesmes, Venom, cinta derivada sobro esti tarrecible enemigu de Spider-Man, va presentar a un elencu lideráu por Tom Hardy y Michelle Williams y va estrenase el próximu 5 d’ochobre. Ganador del Óscar a meyor actor secundariu por Dallas Buyers Club (2013), Leto destacó apocayá en películes como Escuadrón suicida (2016) o Blade Runner 2049 (2017).

Amás d’actor, Leto ye’l cantante y guitarrista del grupu de rock Thirty Seconds to MarsPela so parte, Daniel Espinosa llamó l’atención col inesperáu ésitu del thriller suecu Easy Money (2012) y trunfó nel so desembarco en Hollywood con Safe House (2015), que recaldó más de 200 millones de dólares en tol mundu.

L’añu pasáu estrenó Life (Vida), que combinaba ciencia-ficción y terror en redol al trabayu d’unos científicos (Ryan Reynolds, Jake Gyllenhaal y Rebecca Ferguson) na Estación Espacial Internacional en topando evidencies de vida en Marte.

  Categories: