Portada Cine Daniel Day-Lewis retirase del cine

Daniel Day-Lewis retirase del cine

by redacción asturnews
Foto: Casa de America (https://www.flickr.com/photos/casamerica/)

El británicu Daniel Day-Lewis, consideráu unu de los meyores actores de la so xeneración y ganador de tres Óscar, decidió retirase del mundu del cine, sigún informaba la selmana pasada la edición dixital de la revista Variety.

La vocera del intérprete, Leslee Dart, confirmó la noticia nun comunicáu, anque nun dio esplicación dalguna sobre la decisión. “Daniel Day-Lewis nun va trabayar más como actor. Ta inmensamente estimáu a tolos sos collaboradores y a tol públicu mientres toos estos años.

“Esta ye una decisión personal y nin él nin los sos representantes van faer más comentarios al respective”, indicó Dart. La última película de Day-Lewis, de 60 años, va ser “Phantom Thread”, del director Paul Thomas Anderson, sobre’l mundu de la moda na década de 1950. Nesi filme, escritu por el mesmu Thomas Anderson, Day-Lewis forma parte d’un elencu nel que tamién apaecen Lesley Manville y Camiya Rutherford. Precisamente Day-Lewis ganó’l so segundu Óscar por “Pozos d’ambición”, de Thomas Anderson. Les otres dos estauínes de l’Academia que llogró  fueron por “Lincoln”, de Steven Spielberg, y “El mio pie esquierdu”, de Jim Sheridan.

Ye l’únicu artista de la hestoria con tres Óscar na categoría de meyor actor. Jack Nicholson y Walter Brennan tamién tienen trés estauínes, pero non toes fueron nesi campu. Day-Lewis, conocíu pol so versatilidad y les sos dotes pa tresformase y metese na piel de los personaxes hasta estremos insospechados, tamién foi candidatu por “Nel nome del padre”, de Jim Sheridan, y “Gangs of New York”, de Martin Scorsese.

Tamién te podria gustar