Portada Cine Dani Rovira anuncia que tien cáncer

Dani Rovira anuncia que tien cáncer

by asturnet

Dani Rovira dio una bien mala noticia a los sos siguidores que nun tien un res de ver col Covid-19. L’actor usó la so cuenta oficial d’Instagram para comunicar a los suyos públicamente que carez cáncer, nun actu de valentía polo que supon esnudar la so intimidá nun momentu tan complicáu como este.

L’actor colgó na so cuenta de Instagram una semeya en blancu y negru del so brazu con una vienda y aprovechó esta rede social pa comunicar el so estáu a los sos siguidores y evitar asina, tal que él mesmu reconoz, qu’apaezan rumores o falses especulaciones. “Va una selmana que me lo diagnosticaron, anque llevaba yá meses abasnando ciertu cansanciu y malestar. Si decido faer esto públicu ye porque, para lo bono y para lo malo, soi un personaxe públicu. Y primero que empiece’l circu d’especulaciones y sensacionalismu en cierta prensa y en redes sociales, prefiero ser yo la fonte principal d’información.”, empieza asegurando en Instagram.

Según el mesmu Rovira confirma nel so comunicáu la enfermedá que carez llámase Limfoma de Hodgkin, y yá se punxo a lluchar contra ella: “Güei ye’l mio primer día de quimio y per delantre una llarga llucha contra’l bichu”. Nun tengo mieu. Toi sele. Voi Llevar estos meses una mochila, quiciabes, un poco más pesada en tiempos d’incertidume, mieos y pandemia. Pero nun me falten fuerces nin ganes pa salir airosu d’esta. Tien bon pronósticu y el doctores tresmítenme bien bones sensaciones.”, esplica.

Rovira tamién aprovecha la ocasión pa mandar ánimos a la xente enagora social que tamos viviendo cola presencia de la pandemia pol coronavirus: “Namái vos pido que sigáis como hasta agora. Curiándovos los unos de los otros. Sumando solidaridá, humor, humanidá… Pela mio parte, vamos siguir arimando’l costazu dende casa. L’humor y l’amor ye nuesa meyor receta.Tou esto va pasar. Ánimu a toos y toes nestos momentos complicaos. Pero pa eso tán los retos, pa superalos y que lo aprendío fáiganos ser meyores persones. Como dixo nel so día el mio héroe favoritu: SiempreFuerte”, remata.

Tamién te podria gustar