Damián Barreiro gana’l XXIV Premiu Máximu Fuertes Acevedo d’ensayu

Damián Barreiro gana’l XXIV Premiu Máximu Fuertes Acevedo d’ensayu
20 13:30 2018 Imprimir

L’escritor Damián Barreiro Maceiras resultó ganador de la XXIV edición del Premiu Máximu Fuertes Acevedo d’ensayu en llingua asturiana, que concede la Conseyería d’Educación y Cultura, que dio a conocer el fallu del xuráu esti llunes 19 de payares.

El fallu diose a conocer ayeri, tres la xunta que caltuvo’l xuráu so la presidencia del director xeneral de Planificación Llingüística y Normalización, Fernando Padilla, y que tuvo integráu pol escritor Xuan Santori, ganador de la edición pasada; la escritora Marta Mori, la profesora de la Facultá de Filosofía y Letras Cristina Valdés, y los filólogos del Serviciu de Normalización Llingüística y Normalización Xosé Miguel Suárez y Luis Casteleiro.

Ente les obres presentaes, el xuráu decidió conceder el premiu a la titulada Asturploitation, qu’allegó col seudónimu de Muxidora Brown, pola relevancia social de la tema tratada y la propuesta estratéxica que fai pal impulsu del sector audiovisual en llingua asturiana, documentada con minuciosidad y rigor”. Coles mesmes, el xuráu destacó la singularidá y el valor de los trabayos presentaos.

A esti galardón, dotáu con 3.000 euros, podíen allegar obres de tema, xéneru y estructura llibres, qu’axuntaren les característiques del xéneru ensayístico entendíu na so amplitú.

Damián Barreiro Maceiras (A Estrada, Pontevedra, 1984) ye periodista y trabayó en Asturies.com. el selmanariu Les Notícies y en TLG, amás de collaborar nel periódicu Diagonal Asturies, La Nueva España y otros medios de comunicación del Principáu. Na actualidá trabaya na axencia de noticia Europa Press. Publicó les obres L’espeyu onde miranos (Premiu d’Ensayu Fierro Botes), Caleya Sésamu (Premiu d’Ensayu Máximu Fuertes Acevedo) y el llibru de divulgación Yo, la to llingua.

  Categories:
Loading Facebook Comments ...