Entama nel Pueblu d’Asturies el cursu “Ser asturianos. Mitu, identidá y hestoria”

by redacción asturnews | marzo 1, 2017 8:51 am

Dende esti xueves 2 de marzu y hasta’l mes de mayu, el Muséu del Pueblu d’Asturies va acoyer un cursu qu’embaxo del títulu Ser asturianos. Mitu, identidá y hestoria va averanos a la percepción d’Asturies que se foi forxando a lo llargo del tiempu.

¿Qué idea tenemos los asturianos de nós mesmos? A lo llargo de la Hestoria, hubo distintes maneres d’entender en qué consisti ser asturianos, pero esta idea nun solo se forxa n’Asturies, sinón que nella influyó la imaxe que los non asturianos tienen de nós.

Esti cursu quier averar a la percepción d’Asturies que se foi forxando a lo llargo del tiempu, encetándola dende l’Antropoloxía Social y Cultural. Van analizar les socesives semeyes que se propunxeron, la parte que tienen de realidá y el mitu que sobre esa realidá construyóse y pervive hasta los nuesos díes.

PROGRAMA

El Reinu d’Asturies y l’Edá Media. Realidá y mitu.
El mundu renacentista. La obra de Luis Alfonso de Carvallo.
Fidalgos de baxa condición. Asturies nel sieglu XVIII.
El movimientu románticu. La construcción cultural d’una Asturies tradicional.
La puxanza de la industria y la minería. L’Asturies del proletariáu rebalbu.
L’Asturies del Movimientu. Franquismu y asturianismu folclóricu.
L’Asturies del Movimientu. Franquismu y asturianismu folclóricu.
El revisionismu críticu del mitu d’Asturies na transición.
La nacencia de l’Autonomía.
Ástures contra Roma.
La puxanza de les ucronías nel procesu identitario.
Conclusiones sobre’l mitu del calter asturianu.

L’eventu va tener llugar los díes:

Xueves, 2 de Marzu de 2017
Xueves, 9 de Marzu de 2017
Xueves, 16 de Marzu de 2017
Xueves, 23 de Marzu de 2017
Vienres, 31 de Marzu de 2017
Vienres, 7 d’Abril de 2017
Vienres, 21 d’Abril de 2017
Vienres, 28 d’Abril de 2017
Vienres, 5 de Mayu de 2017

Más información[1]

Endnotes:
  1. Más información: http://www.gijon.es/eventos/show/36499-curso-ser-asturianos-mito-identidad-e-historia

Source URL: http://asturnews.com/cursu-ser-asturianos-mitu-identida-y-hestoria/