Cursos de “Reproducción de moldes y pieces cerámiques” pa paraos na Factoría Cultural

Cursos de “Reproducción de moldes y pieces cerámiques” pa paraos na Factoría Cultural
08 febreru 07:47 2016 Imprimir

Hasta’l día 23 de febreru permanez abiertu’l plazu d’inscripción en dos cursos que se van impartir na Factoría Cultural , concedíos pol Serviciu Públicu d’Empléu del Principáu d’Asturies, conducentes al llogru d’un certificáu de profesionalidá de nivel 1.

La fecha de desenvolvimientu de dambos ye del 1 de marzu al 2 de xunu d’esti añu. Dambos suponen 40 hores de práctiques n’empreses y la inscripción pue facese hasta’l 23 de febreru , al traviés de la páxina web de Trabajastur http://movil.asturias.es/trabajastur.

Tratase d’un  cursu ( con dos línees de cobertoria ) de Reproducción de moldes y pieces cerámiques destináu a paraos de llarga duración (llínea 1) ; y paraos con mayores dificultaes d’insertamientu llaboral (persones con discapacidá, inmigrantes, persones en riesgu d’esclusión social y muyeres con especiales dificultaes d’insertamientu llaboral (víctimes de violencia de xéneru, families monoparentales), (llínea 2).

La participación de cada colectivu al que va dirixíu cada actividá formativa va ser, a lo menos, del 75% pudiendo completase’l númberu d’alumnos con paraos pertenecientes a otros colectivos inscritos como demandantes d’empléu nes Oficines del Serviciu Públicu d’Empléu del Principáu d’Asturies

 

  Categories: