Cuna y Cenera afonda na so campaña de candidatura a Pueblu Exemplar

03 agostu 03:05 2005 Imprimir

Esti miércoles 3 d’agostu un grupu d’escritores asturianos va sofitar públicamente la candidatura a Premiu Exemplar d’Asturies del vai de Cuna y Cenera. Nel actu organizáu pol Conceyu de Mieres van participar ente otros Fulguencio Argüelles, Montse Garnacho y Javier Lasheras.

Un alcuentru na propia casa consistorial y un percorríu pelos llugares del vai de Cuna y Cenera van valir pa dar un nuevu emburrión a la campaña de promoción de la cadndidatura.

Los vecinos del vai llograron ya el sofitu de personaxes públicos relevantes como’l cantante Víctor Manuel o l’actriz María Luisa Merlo. Agora acaben d’espublizar venti mil postales empobinaes a amosar l’apoyu a esta iniciativa popular.

Ente les virtúes que s’encamienten pa merecer el Premiu de Pueblu Exemplar d’Asturies tán la gran bayura paisaxística y medioambiental del vai, el respetu al entornu de los vecinos y el sentimientu de comunidá ente los habitantes d’esta zona singular de la cuenca del Caudal.

  Categories:
Loading Facebook Comments ...