Portada Música Cultura vuelve traer el Jazz a la Filarmónica dende’l 14 de xineru

Cultura vuelve traer el Jazz a la Filarmónica dende’l 14 de xineru

by redacción asturnews

El Festival Uviéu Jazz, coproducción del Centru Nacional d’Espardimientu y  la Fundación Municipal de Cultura, vuelve traer el Jazz a la Filarmónica dende’l 14 de xineru, con un programa de cuatro sesiones ente xineru y febreru colo más granao del jazz nacional.

La Fundación Municipal de Cultura retoma la so cita añal col meyor jazz nacional, a partir del 14 de xineru nel teatru Filarmónica. El Jazz, que Cultura retomó l’añu pasáu tres dellos años ensin temporada fixa, vuelve con cuatro sesiones ente xineru y febreru con artistes de reconocíu prestíu de la escena jazzística nacional, como son el CMS Tríu, el Fellini Quartet, Antonio Serrano Quartet y Chano Domínguez Quartet.

Dende la Fundación Municipal de Cultura, el so presidente, José Luis Costielles, señala que “Uviéu tenía xuna delda col Jazz y colos sos aficionaos, dempués d’abandonar esta programación el Conceyu mientres dellos años. Siguimos apostando por esti xéneru per segundu añu consecutivu y con un cartelu de luxu. Vuelve l’aclamáu Chano Domínguez, vamos tener xuna sesión dedicada al cine de Fellini, otra función con un armonicista de sonadía y un primer conciertu con un tríu que va remembrar el jazz d’otros continentes, como África o Estaos Xuníos”, señala’l conceyal de Cultura.

Les localidaes salieron yá a la vienta’l martes 4 de xineru, con localidaes a 8 y 6 euros.

Más información: https://www.oviedo.es/jazz

Tamién te podria gustar