Portada Cooperación Cultura va impulsar la presencia de les muyeres en toles árees culturales

Cultura va impulsar la presencia de les muyeres en toles árees culturales

by redacción asturnews

El Ministeriu de Cultura presentó esti llunes el Plan de Trabayu pa 2019 del Observatoriu d’Igualdá de Xéneru nel ámbitu de la Cultura, que va tener ente les sos prioridaes l’arriquecimientu” de les estadístiques p’ameyorar la visibilidá de la muyer y va tar dotáu con 45.000 euros.

Según informó’l Ministeriu nuna nota, esti plan de trabayu del Observatoriu d’Igualdá de Xéneru na Cultura creáu xuntu coles asociaciones más representatives de les muyeres na cultura en febreru d’anguaño va siguir la xera de l’anterior Comisión d’Igualdá de Xéneru de la Secretaría d’Estáu de Cultura.

L’oxetu del observatoriu, añede la nota, ye l’impulsu de la presencia” de les muyeres y de la igualdá d’oportunidaes” en toles manifestaciones culturales y en puestos de responsabilidá competencia del Ministeriu. Y pa cumplilo va analizar la información en materia de xéneru pa detectar situaciones de desigualdá y establecer midíes correctores o va favorecer la producción artística y la representación femenina nes distintes manifestaciones culturales.

Nesti sentíu, y a propuesta de toles asociaciones que formen parte del observatoriu na actualidá, ente les que tán l’Asociación de Muyeres nes Artes Visuales y la de Muyeres Cineastes y de Medios Audiovisuales, va ellaborase un primer estudiu sobro l’aplicación de la Llei d’Igualdá nel ámbitu de la cultura pa “valorar el so cumplimientu” nos espacios públicos. Esti informe va encetar dende la Dirección Xeneral d’Industries Culturales y la Dirección Xeneral del Llibru y Fomentu de la Llectura.

Tamién te podria gustar