Portada Sociedá Cultura sanciona a la SGAE con 100.000 euros por non facilita-y información

Cultura sanciona a la SGAE con 100.000 euros por non facilita-y información

by redacción asturnews

El Ministeriu de Cultura y Deporte sancionó esta selmana pasada a la Sociedá Xeneral d’Autores y Editores (SGAE) con una multa de 100.000 euros por incumplir la obligación llegal de facilitar información al Ministeriu.

Según informó Cultura, tratase de la primer vegada qu’una entidá de xestión de derechos d’autor refuga de manera repitida un requerimientu, “cuidando que n’anteriores ocasiones, col entamu del procedimientu la entidá unvió la información”. La Llei de Propiedá Intelectual tipifica, nel so artículu 191.4 a) como infracción leve, la falta d’atención a los requerimientos d’información.

El Ministeriu, garante del cumplimientu de la llegalidá y del respetu a los titulares de los derechos d’autor, énte la doble negativa a informar de la SGAE, “viose obligáu’l pasáu mes d’avientu a empecipiar el procedimientu sancionador que se resolvió agora”, recuerden dende Cultura.

En septiembre del añu pasáu, el Ministeriu de Cultura y Deporte, nel exerciciu de les sos facultaes de supervisión de les entidaes de xestión colectiva de derechos d’autor, riquió, ente otres cuestiones, el llistáu de socios que preavisaren la retirada del so repertoriu de la SGAE xuntu colos sos volumes de recaldación.

Esta información, añede la nota, yera “fundamental” pal exerciciu de les facultaes de supervisión de Cultura “cuidando que podía traer la inviabilidad económica de la SGAE pola posible perda, a partir del 1 de xineru de 2020, de la parte del so repertoriu más importante en términos de recaldación”.

Al nun ser atendíu’l requerimientu, dase en repitíselo a finales del mes de payares, ensin que la SGAE, a día de güei, unviara hasta’l momentu la información solicitada. Nesti sentíu, dende Cultura espresaron que “deseyen” trabayar col “meyor espíritu de collaboración” cola SGAE en “interés de los titulares de los derechos de propiedá intelectual y dende el respetu a la llegalidá”.

Coles mesmes, destacaron, esta infracción nun guarda relación coles trés conductes que dieron llugar, en septiembre de 2018, a la solicitú d’intervención temporal de la entidá, qu’anguaño ta pindia d’un recursu xudicial, del que se ta a la espera de resolvimientu.

El pasáu me d’avientu, una xuez de Barcelona obligó a la SGAE a retirar del so catálogu obres d’autores que lu pidan.

Tamién te podria gustar