Portada Escéniques Cultura programa 30 visites teatralizaes al Teatru Campoamor nel so 125 aniversariu

Cultura programa 30 visites teatralizaes al Teatru Campoamor nel so 125 aniversariu

by redacción asturnews

Nel 125 Aniversariu del Teatru Campoamor, la Conceyalía deCultura programa 30 visites teatralizaes al Teatru Campoamor que van entamar esti próximu llunes 10 de xunetu y van densenvolvese hasta’l 8 d’agostu en doble sesión.

El presidente de la Fundación Municipal de Cultura, Roberto Sánchez Ramos, presentó la selmana pasada esti perinteresante programa que va desenvolvese nel branu, con Carmen Gallo, Directora de Factoría Norte y Eladio de Pablo, guionista y director de les visites.

“Nel 125 Aniversariu del Teatru Campoamor, esti teatru zarra munches hestories, munches vides, munchos suaños y munches sorrises” so esta premisa y col oxetivu “d’arrincar munches más a la ciudadanía” nacen estes visites teatralizadas al Teatru Campoamor, esplicó la selmana pasaqda, en rueda de prensa, el presidente de la Fundación Municipal de Cultura y conceyal de Cultura, Roberto Sánchez Ramos. El conceyal tuvo acompañáu por Carmen Gallo, Directora de Factoría Norte y Eladio de Pablo, guionista y director de les visites al pie de la mesma Gallu. “Van Ser 30 visites en 15 díes y van costar 6 euros. Les entraes salen mañana a la vienta na taquilla del propiu teatru y en www.oviedo.es. Van Arrincar el 10 de xunetu y van rematar el 8 d’agostu, en doble sesión, a les 18 y a les 19.30 hores”, indicó Sánchez Ramos.

Carmen Gallo destacó la importancia que “tien el fechu de poner al Teatru Capoamor nel centru de la ciudá y abrir les sos puertes a tola ciudadanía. Ye ensin dulda el reflexu de la cultura, la sociedá y la educación d’Uviéu y nestes visites prúyenos amosalo per dientro de la mano de dos grandes personaxes, el mesmu Campoamor, que va interpretar Borja Raspies y Leopoldo Alas Clarín, que foi quien propunxo que llevara esti nome siendo conceyal, papel que va interpretar Enrique Dueñas”. Completen el repartu Ana Morán, Paula Mata y Sheila Montes.

Eladio de Pablo aseguró que “demientres una hora y cuartu el públicu va conocer la hestoria del teatru al traviés de testos con un humor picante” y convidó a “tola ciudadanía y quien nos visiten a averase al Campoamor”.

Tamién te podria gustar