Cultura organiza otru añu más actividaes n’asturianu pa l’Axenda Didáctica Escolar

La Conseyería de Cultura y Deporte, al traviés de la Dirección Xeneral de Política Llingüística, organiza, en collaboración de la Conseyería de Educación y Universidaes d’Asturies y siguiendo coles iniciatives d’usu, promoción llingüística y apoyu al llabor educativu, l’«Axenda Didáctica Escolar».

L’oxetivu ye averar la lliteratura, el teatru y la música asturiana al públicu más mozu de la mano d’escritores, actores y músicos de l’actualidá asturiana. Toes estes actividaes, unes n’asturianu y otres en gallego-asturianu, van dirixíes a los alumnos y alumnes de los centros educativos d’Educación Primaria, Secundaria y Bachiller nos que s’imparte Llingua Asturiana o Gallego-Asturianu.

Actividaes pa primaria