Portada Escéniques Cultura convoca subvenciones pa proyectos d’actividaes culturales

Cultura convoca subvenciones pa proyectos d’actividaes culturales

by redacción asturnews

La Conseyería de Cultura, Política Llingüística y Turismu vieno acabante sacar la convocatoria añal de  subvenciones pa proyectos d’actividaes culturales d’interés rexonal.

La convocatoria tien por oxetu la concesión d’ayudes económiques, en réxime de concurrencia competitiva, destinaes a empreses (persones físiques y xurídiques) que tengan la so casa social nel Principáu d’Asturies y que promuevan de manera siguida actividaes o acciones culturales pa la realización d’actividaes culturales concretes d’interés rexonal (actividaes discográfiques, editoriales, cinematográfiques y de vídeu, etc.).

Ente les actividaes o proyectos culturales inclúyense acciones de formación y movilidá cola fin de dar sofitu a la realización de xires d’espectáculos d’artes escéniques y musicales, a cursos y actividaes de formación venceyaes a les distintes manifestaciones artístiques, y a les actividaes d’espardimientu d’artes plástiques y audiovisuales al traviés de proyectos espositivos y de l’asistencia a feries, festivales y eventos d’espardimientu, promoción o comercialización de cualesquier de les manifestaciones culturales y artístiques realizaes fora del ámbitu del Principáu d’Asturies por diches empreses.

Plazu de presentación de solicitúes: hasta’l 5 de mayu, inclusive.

Consulta nesti enllaz la convocatoria completa

Tamién te podria gustar