Cuentos y cantares d’ida y vuelta nel Día Internacional de la Discriminación Racial

Cuentos y cantares d’ida y vuelta nel Día Internacional de la Discriminación Racial
21 marzu 11:36 2019 Imprimir

Esti xueves 21 de marzu, dientro de los actos del Día Internacional pa la Eliminación de la Discriminación Racial, va cuntase cola presencia de Mar Amáu, narradora peruana afincada dende va años en Madrid, y cola presentación de dellos espectáculos tanto p’adultos como pa mas mozos.

Actividaes de narración oral nes XIV Xornaes contra’l Racismu y la Xenofobia

Anguaño les Xornaes contra’l Racismu y la Xenofobia vuelven tener delles actividaes de narración oral nel so programa. Te cuntamos en qué van consistir.

Esti xueves 21 de marzu, dientro de los actos del Día Internacional para la Eliminación de la Discriminación Racial, vamos cuntar cola presencia de Mar Amáu, narradora peruana afincada dende va años en Madrid.

Cuentos y cantares d’ida y vuelta, con Mar Amáu

Xueves 21 de marzu, 17:30 h. Salón d’Actos de la Escuela de Comerciu (C/ Francisco Tomás y Valiente, 1).
Sesión de cuentos para públicu infantil (6 a 12 años).
cuentos y cantares.pngHistorias para interesaos y viaxeros.

La selva y los montes, la ciudá, el mar, el viaxe, el tíu tigre, el monu viaxeru. coses d’allá pero tamién d’acá. En toles cultures cúntense y cántense hestories… ¡y dalgunes repitir!… o siquier paécense.

Hestories, cuentos y lleendes de tradición oral para tolos gustos, para recordar lo paecíos que somos los seres humanos y lo formoses que pueden ser nueses diferencies.

Inscripción gratuita en http://actividades.gijon.es y caxeros ciudadanos, hasta completar aforu. Places llindaes.

Tolos viaxes. Un espectáculu de Mar Amáu

Xueves 21 de marzu, 21:30 h. Toma 3 (C/ Marqués de Casa Valdés, 27).

Un espectáculu de cuentos p’adultos, fechu d’alcordances del camín, de los trocinos de xente y de llugares que, afortunadamente, van quedando dientro d’una, desque de la so tierra hasta que vuelve colos güeyos llenitos de coses nueves que terminen tatuaes en nós, que viaxamos.

Alcordances tienres, sensuales, risonderos, intensos, hestories que los remembren. Descubrimientos nesti sieglu de velocidá apolmonante; d’una muyer que se mueve y por eso propónnos: pare, mire, escuche bien. Vamos alendar… hestories.

  Categories: