Cuentacuentos na Casa de Cultura de La Pola Siero

by redacción asturnews | diciembre 26, 2017 9:00 am

Con Alambique Produciones, esti martes 26 d’avientu a les 12 hores, entamen los Cuentacuentos na Casa de Cultura de La Pola Siero.

Alambique Producciones va presentar na Casa de Culura de La Pola Siero una serie de cuentos sol títulu “de la biblioteca traigo aventures”. Va Ser esti martes 26 d’avientu n’horariu mañaneru, a les 12 hores

Los participantes, a partir de 3 años d’edá, van afayar al traviés de los llibros un montón de cuentos, hestories, aventures, secretos y lleendes por mediu de la narración oral. Y too ello volando xuntos, percorriendo llugares infinitos, próximos y llonxanos, conociendo personaxes y aprendiendo a valorar los llibros de la mano de los cuentos. Les places son llindaes y les inscripciones gratuites fainse na Biblioteca Infantil de La Pola Siero dende’ llunes pasáu,  18 d’avientu.

Source URL: http://asturnews.com/cuentacuentos-na-casa-de-cultura-de-la-pola-siero/