Portada Conceyos Cuentacuentos con mensaxe, cine y circu train animación infantil a San Agustín

Cuentacuentos con mensaxe, cine y circu train animación infantil a San Agustín

by redacción asturnews

La programación festiva de San Agustín acuta un llugar preferente pa la infancia y  a los talleres de robótica y medioambientales, sumense esta fin de selmana cuentacuentos con mensaxe educativu y solidariu, y rises garantizaes con Circu & Humor, na plaza de Camposagrado, del 14 al 22 d’agostu, a les 20  hores. Amás de la vuelta del cine familiar na plaza d’España, del 23 al 25 d’agostu, a les 22.30 hores.

L’actriz d’Avilés Elisabet Martín va poner sobro l’escenariu dos espectáculos, preparaos col doble oxetivu de prestar al empar que se refuercen los valores de la coeducación, la igualdá, los vezos saludables y el gustu tempranu pola llectura y la cultura.

El sábadu 14 abre con “Cuentos pola igualdá”, nos que princeses valientes y decidíes, unicornias que se fartaron de la brillantina y xuna Blancanieves del revés, van faer entender que toos somos iguales y únicos al empar.

El domingu 15, Elisabet va cuntar con una compañía bien especial en “Toos cuntamos. Cuentos polos derechos de los niñs”, la d’unes marionetes que lu van ayudar a rellatar les hestories d’una xaronca bien contestataria, un neñu que nun se llavaba o xuna guerra ente tribus de distintu color. Cuentos pola tolerancia y l’igualdá pa esfrutar en familia.

Más información

Tamién te podria gustar