Cuatro magos protagonicen “Mysteria” en La Pola

Cuatro magos protagonicen “Mysteria” en La Pola
26 xineru 09:04 2018 Imprimir

Cuatro magos protagonicen “Mysteria” en La Pola, un espectáculu basáu nun compendiu d’efectos mentales col oxetivu d’averar al públicu asistente una forma d’ilusionismu pocu avezáu: la maxa cola mente. La cita, esti sábadu 27 de xineru, a les 18 hores, nel Teatru Auditoriu.

Ferny, showman qu’apodera dellos estilos del arte escénico, embarcase nun estilu totalmente opuestu al que nos tien avezaos con un personaxe y una personalidá pensada dende lo más escuro de la so mente, para ufiertar el so trabayu más personal trabayando dende’l mentalismo y el escapismo, hasta l’espiritismu y l’esoterismu, llegando a la mente de la xente con un estilu qu’él denomina “maxa reflexivo-interpretativa”

Sergio dedicase a la maxa desque les sos manos superaron el tamañu d’un estoxu de cartes y desenvolvió l’abonda habilidá para sostener una baraxa, anque n’ocasiones fala del so güelu y un supuestu poder qu’él tenía.  Nos sos espectáculos combina una maxa técnico y trabayao con prestoses dosis d’humor, pa xenerar una atmósfera máxica, misteriosa y risondera. Pue tresmitir n’ocasiones sensación de peligru, pero siempres tien la situación so control. Sacantes cuando nun la tien”.

Silvino, xastre del engañu psicolóxicu, alumnu destacáu de la vieya escuela del mentalismo y fiel siguidor de la psicoloxía conductista, ente les sos fazañes non solo ta en predicir el númberu ganador de la llotería de navidá y de faer predicciones con persones que tean a kilómetros de distancia, si non d’esmazcarar a dellos pseudoadivinos. La so mayor fazaña, faer que veas lo qu’él quier que veas.

Víctor, un ceador de tracamundiu virtual, capaz de desenmarañar cualquier llaberintu mental, nun hai cifra nin palabra que trates de zarrar na to mente qu’él nun pueda aldovinar. Ante él, la to realidá nun esiste, namá se trata d’un mundu irreal y tanxible. ¿Crees que yes capaz de despintar los tos pensamientos énte’l so poder mental?

Más información

  Categories: