Educación Cuarenta mil votantes definen el nuevu claustru de la Universidá by asturnet 18 de mayu, 2004 written by asturnet 18 de mayu, 2004 38 La Universidá d’Uviéu vive una nueva xornada electoral. Selmanes depués de la ratificación de Juan Vázquez al frente’l rectoráu, unos 40.000 profesores, alumnos y emplegaos alministrativos elixen güei ente 520 candidatos a los 300 integrantes del nuevu claustru, l’órganu cimeru de gobiernu de la institución académica asturiana. De los comicios de güei saldrán tamién les xuntes de facultá, escuela y departamentu. Les 73 meses electorales tán abiertes yá dende les 10 de la mañana y permanecerán a disposición de los votantes hasta el so pieslle, a les siete de la tarde, y sustenten un procesu electoral que completa el calendariu inmediatu de renovación interna de la Universidá dos selmanes depués de que Vázquez tomara posesión como rector nel so segundu mandatu, arrodiáu d’un equipu de signu continuista pero con dalgunos cambios. El claustru que salga d’estes elecciones completará poro el camín de la renovación de los órganos decisorios de la Universidá d’Uviéu, qu’habrá culminar antes d’avientu de 2005 col nomamientu de decanos y directores de centros, departamentos ya institutos universitarios. El claustru ye l’órganu cimeru de gobiernu de la Universidá asturiana. Presidíu pol rector, la mayoría de los sos 300 puestos tán reservaos a los profesores, que nos sos distintos graos ocupen 195 places. Xunta estos casi doscientos docentes, nel claustru que salga de les inminentes elecciones sentaránse amás 75 representantes de los alumnos y 30 miembros del personal d’alministración y servicios. 0 FacebookTwitterPinterestEmail Anterior Caxastur convoca seis beques de 9.000 euros p’artistes asturianos siguiente El festival de rock Crossroad pon a la venta les primeres entraes a preciu promocional Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...