¿Cuántu cuesta entamar unes elecciones xenerales?

El 10 de payares de 2019 van celebrase comicios al Congresu y Senáu d’España, los segundos dende 2019 y los cuartos dende 2015 y una de les esmoliciones asoleyaes nestos díes ye’l presupuestu necesariu pa poer desenvolver la convocatoria electoral.

Na xornada del martes 17 de setiembre’l rei Felipe VI decidió nun proponer nengún candidatu pa convertise en presidente del país en rematando la ronda de contactos colos representantes de los grupos políticos. Na práctica, acordies con la lexislación española, esto supon la disolución del Parlamentu y la necesidá de celebrar nuevos comicios.

Esti gráficu de Statista amuesa’l que suel ser unu de los aspeutos más polémicos de la repetición de les elecciones: el desembolsu qu’estes suponen pa les arques del Estáu. Según datos del Ministeriu del Interior, dende payares de 2011 el presupuestu de la so organización aumentó añu tres d’añu, hasta algamar los 139 millones d’euros na convocatoria d’abril de 2019.

Fuente: es.statista.com