¿Cuántu cobren los maestros nel mundu?

¿Cuántu cobren los maestros nel mundu?
11 setiembre 08:50 2019 Imprimir

A partir d’esta selmana empieza’l nuevu cursu escolar en toles comunidaes autónomes d’España y en toles estayes educatives. Y los responsables de la educación tienen sueldo bien estremaos n’Europa. Nel casu los maestros de primaria, Luxemburgu ye’l país nel que reciben un mayor sueldu brutu.

Mientres estos díes tantu los alumnos como el profesores y maestros volverán ocupar les aules de colexos ya institutos. Al respective de los profesionales de la enseñanza, la OCDE almacena datos sobro’l so sueldu brutu añal mediu, cifra que varia intensamente d’un país a otru, n’ocasiones en relación al nivel d’ingresos de cada economía.

Esta infografía de Statista amuesa cómo, nel casu de los maestros de primaria, Luxemburgu ye’l país nel qu’estos reciben un mayor sueldu brutu, siquier de los 32 Estaos comparaos pola organización de desenvolvimientu (diez d’ellos amosaos nel gráficu). Esto asocede tantu nel casu del sueldu inicial, esti de más de 63.500 euros añales, como tres quince años d’esperiencia, con casi 92.800 euros. Curiosamente esti sueldu ye cimeru al salariu del presidente del Gobiernu d’España, al que según los presupuestos de 2019 (inda non aprobaos) correspondería menos de 83.000 euros en conceutu de asignación. Tocantes a esti país, los docentes de los neños ente 6 y 11 años empiecen la so carrera con una paga añal bruta de 35.300 euros aprosimao, que xube hasta los casi 41.000 tres cinco llustros nel cargu, tollo según la OCDE.

Fuente: es.statista.com

  Categories: