Creative Commons ufre les sos seis modalidaes de llicencia n’asturianu

by asturnet | marzo 17, 2010 11:19 am

Según da anuncia güei la páxina de Creative Commons nel estáu español, dende ayeri ye posible usar les seis llicencies de propiedá intelectual d’esta organización, en llingua asturiana, y adaptaes a la llexislación vixente.

Ello foi posibles gracies al sofitu del Vicerreutoráu d’Informática y Comunicaciones de la Universidá d’Uviéu y l’Academia de la Llingua Asturiana.

La organización da anuncia de que’l viniente pasu va ser “tornar aquellos apartaos del sitiu de Creative Commons pa que tamién se puean ufrir nesta llingua”, que ye dende agora la quinta ufrida por esta plataforma nel estáu español.

Amuesa d’una de les llicencies disponibles[1]

Endnotes:
  1. Amuesa d’una de les llicencies disponibles: http://creativecommons.org/licenses/by-nc-sa/3.0/es/legalcode.ast

Source URL: http://asturnews.com/creative-commons-ufre-les-sos-seis-modalidaes-de-llicencia-n%c2%92asturianu/