Correos va convertir la V Esposición d’Arte Postal d’Avilés nel primer sellu d’esta disciplina

Correos va convertir la V Esposición d’Arte Postal d’Avilés nel primer sellu d’esta disciplina
20 xineru 10:10 2021 Imprimir

Correos va convertir una obra de la V Esposición Internacional d’Arte Postal d’Avilés nel primer sellu del mundu dedicáu a esta disciplina artística. Va ser una obra del artista xixonés García de Marina, escoyida d’ente les más de 500 recibíes de 37 países.

Tratase d’una composición conceptual realizada pol fotógrafu xixonés García de Marina, nuna metáfora sobro la contaminación, de la que se van imprimir 180.000 unidaes, que se van emitir el 13 d’abril. Tres la clausura de la Esposición, va escoyese un grupu de postales pa crear una amuesa itinerante por distintes oficines principales de Correos que va rematar nel so Muséu de Madrid

Una obra del artista xixonés García de Marina, d’ente les más de 500 recibíes de 37 países y estaos apiguraes na V Esposición Internacional d’Arte Postal n’Avilés, que se clausuró’l pasáu vienres 15 nel Palaciu de Valdecarzana, foi escoyida per Correos pa editar el primer sellu del mundu dedicáu a esta disciplina artística, el Mail Art, o Arte per Corréu.

La obra escoyida reflexa al planeta tierra protexíu con una mázcara de gas, a manera de metáfora qu’evidencia la contaminación ambiental nel mundu. va poner en circulación na sesta edición d’Arte Postal n’Avilés que, col leit motiv de “L’aire”, va tener llugar mientres anguaño 2021. Esta edición va completar, tres l’agua, el fueu y la tierra, los cuatro elementos fundamentales pa la vida.

El trabayu postal escoyíu va ser afechu a les característiques d’un sellu, planiáu con un valor facial de 1,50 € -tarifa pa unviaes a Europa-, con un cuerpu apaisáu de 40,9 x 28,8 milímetros impresu en offset y con una tirada de 180.000 unidaes, que se van emitir el próximu 13 d’abril.

  Categories: