Portada Conceyos Corocotta Teatru presenta en Llugones “Histories íntimes del paraísu”

Corocotta Teatru presenta en Llugones “Histories íntimes del paraísu”

by redacción asturnews

Corocotta Teatru presenta en Llugones “Histories íntimes del paraísu”, una risondera y particular visión del Edén, que va representar esti sábadu 23 de payares, a les 19 hores, na Casa de Cultura de la localidá.

“Adán foi modeláu por Dios en magre y, dempués, creó a Eva a partir d’una costiella d’Adán. Dambos convivieron bien felices nel Paraísu”

Esto ye lo que nos cunta la Hestoria… pero la Hestoria nun siempres cunta tola verdá. Dos personaxes más, Lilí y l’Ánxel, gociaron tamién del bienestar y les comodidaes d’ese primer Paraísu terrenal. ¿Quién fueron éstos? ¿Qué tuvieron que ver nel aportar de la Hestoria?.

Nesta risondera y particular visión del Edén, Corocotta Teatru preséntate un Paraísu llenu de firmes reivindicaciones -so la sutil apariencia del humor- nel que se desatapen tolos pormenores de la trivial y acabante estrenar coesistencia ente l’home y la muyer. Un Paraísu nel que, siquier por unos intres, foi posible la perspectiva d’una muyer llibre y d’opiniones propies qu’aportunaba con vehemencia en gociar d’igualdá col únicu individuu del otru xéneru que fuera creáu al pie de ella.

– – – – –

Repartu: Antonio González Camacho, David Cobo, Susana del Pozu y María Alonso
Dirección: José Andrés García
Función enmarcada nel programa d’intercambios teatrales  ESCENAMATEUR 2019

Tamién te podria gustar