Portada Conceyos Corales d’Asturies, Cantabria, A Coruña y Burgos van actuar nel XXVIII Alcuentru Coral d’Habaneres d’Avilés

Corales d’Asturies, Cantabria, A Coruña y Burgos van actuar nel XXVIII Alcuentru Coral d’Habaneres d’Avilés

by redacción asturnews

Corales d’Asturies, Cantabria, A Coruña y Burgos van actuar nel XXVIII Alcuentru Coral d’Habaneres d’Avilés, entamáu pol Conceyu d’Avilés y l’Agrupación Polifónica del Centru Asturianu, nel que van participar un total de 8 agrupaciones ente’l domingu 21 y el llunes 22 d’abril, a les 20 hores, nel Auditoriu de la Casa de Cultura.

L’Alcuentru Coral d’Habaneres ye un clásicu de les Fiestes d’El Bollu d’Avilés y la edición XXVIII va axuntar a agrupaciones corales procedentes d’Asturies, Cantabria, A Coruña y Burgos. Va Tener llugar en dos sesiones, el domingu de Pascua y el llunes d’El Bollu, a les 20 hores nel Auditoriu de la Casa de Cultura, con un preciu de 6 euros la entrada.

L’eventu foi presentáu esta selmana por Yolanda Alonso, concejala de Cultura d’Avilés. Al pie de ella, Enrique Van Riet, presidente de l’Agrupación Polifónica Centru Asturianu d’Avilés, encargáu de la organización, y el vicepresidente de l’Agrupación, César Coto.

Yolanda Alonso fizo referencia a l’afición a la música coral polo xeneral, y a les habaneres en particular, qu’esiste históricamente n’Avilés, y que se manifiesta n’acontecimientos del caláu y tradición del Alcuentru Coral. “Cuenta con un públicu bien fiel y entendíu, y el programa d’anguaño seguro que va ser del so presto”, señaló.

Van Ser un total d’ocho les agrupaciones participantes:

Rondalla Al Sejo, de Castro Urdiales (Cantabria)
Coru Mineru de Turón
Coru Vestusta d’Uviéu Coru Mistu Reconquista d’Uviéu Coral

Juan de la Encina de Miranda de Ebro (Burgos)
Coru de Oleiros (A Coruña)
Coru Voces del Mar de Suances (Cantabria)
Agrupación Polifónica Centru Asturianu de L’Habana d’Avilés.

Más información

Tamién te podria gustar