Convocáu’l XIII Concursu de cartelu y eslogan contra’l racismu y la xenofobia

Convocáu’l XIII Concursu de cartelu y eslogan contra’l racismu y la xenofobia
23 ochobre 08:45 2018 Imprimir

El XIII Concursu de cartelu y eslogan contra’l racismu y la xenofobia vieno acbaante convocase pola Fundación Municipal de Servicios Sociales de Xixón. Con esti concursu pretende escoyese la imaxe y el eslogan de les Xornaes contra’l racismu y la xenofobia que van celebrase nel mes de marzu del añu 2019.

Estes Xornaes entámense por cuenta de la celebración el día 21 de marzu del Día Internacional de la Eliminación de la Discriminación Racial.

Van Poder participar nel certame tou aquelles persones que la deseyen a partir de los 12 años, residentes n’Asturies. Almítense trabayos realizaos tantu de forma individual como en grupu. Cada concursante (individual o en grupu) va poder presentar hasta un máximu de trés cartelos.

Los cartelos van tar basaos na temática de les xornaes: el respetu, la tolerancia, la non discriminación, contra’l racismu y la xenofobia.

Establécense los siguientes premios:

PRIMER PREMIU valoráu en 300 euros.
DOS ACCÉSITS valoraos en 75 euros cada unu.

Unu de los accésits va concedese puramente a trabayos presentaos por estudiantes d’Educación Secundaria Obligatoria.

Plazu de presentación:

Los trabayos podrán presentase, personalmente o per corréu postal, hasta’l próximu 25 de xineru de 2019 na see de la Fundación Municipal de Servicios Sociales (Edificio Gota de Lleche, C/ Palaciu Valdés 2, 33206 Xixón), nel siguiente horariu: de llunes a vienres de 09:00 a 14:00 hores.

Más información

  Categories: