Portada Plástiques Convocáu’l XII Concursu de cartelu y eslogan contra’l racismu y la xenofobia

Convocáu’l XII Concursu de cartelu y eslogan contra’l racismu y la xenofobia

by redacción asturnews

El XII Concursu de cartelu y eslogan contra’l racismu y la xenofobia vieno acabante convocase con un plazu pala presentación de los trabayos que remata’l 26 de xineru de 2018. El trabayu ganador va ser publicáu como imaxe de la décimu tercer edición de les Xornaes contra’l racismu y la xenofobia del añu 2018.

Estes Xornaes entámense por cuenta de la celebración el día 21 de marzu del Día Internacional de la Eliminación de la Discriminación Racial. L’oxetu d’esti concursu ye escoyer la imaxe de la próxima edición de les Xornaes para ser utilizada en cualquier tipu de soporte d’espardimientu, información o publicidá.

Van Poder participar toes aquelles persones que lo deseyen a partir de los 12 años, residentes n’Asturies. Almítense trabayos realizaos tantu de forma individual como en grupu. Cada concursante (individual o en grupu) va poder presentar hasta un máximu de trés cartelos.

Los cartelos van tar basaos na temática de les xornaes: el respetu, la tolerancia, la non discriminación, contra’l racismu y la xenofobia. Y establécense los siguientes premios:

PRIMER PREMIU valoráu en 300 euros.
DOS ACCÉSIT valoraos en 75 euros cada unu.

Unu de los accésits va concedese puramente a trabayos presentaos por estudiantes d’Educación Secundaria Obligatoria.

Más información, bases y fueya d’inscripción equí

Tamién te podria gustar