Portada Conceyos Convocáu’l X Premiu María Elvira Muñiz de Promoción de la Llectura

Convocáu’l X Premiu María Elvira Muñiz de Promoción de la Llectura

by redacción asturnews

Dende’l 24 d’ochobre al 29 d’avientu ta abiertu’l plazu para la presentación de candidatures al X Premiu María Elvira Muñiz de Promoción de la Llectura. Un xuráu integráu por personalidaes del mundu cultural xixonés va escoyer a los galardonaos d’esta edición pola so iniciativa o trayectoria destacada nel fomentu de la llectura.

BASES DEL X PREMIU Mª ELVIRA MUÑIZ DE PROMOCIÓN DE LA LLECTURA

La X edición del Premiu Mª Elvira Muñiz de promoción de la llectura correspondiente al añu 2019 tien dos modalidaes:

A.Reconocencia a una persona,  entidá o empresa,  por  tola  trayectoria creativa,  investigadora, educadora, etc., o por dalguna iniciativa especialmente destacada en favor del llibru y  la llectura que se desenvolvieren  na nuesa ciudá.

B.Premiu pa una iniciativa singular desenvuelta per un centru educativu del conceyu de Xixón en favor de la llectura. La dotación del premiu establezse en:

  • 1.000,00 € pa la modalidá A
  • Llote bibliográficu por  favor  de 1.000,00 €  pa la modalidá B

La selección bibliográfica realizala’l centru educativu que resulte ganador. Los candidatos van poder presentase nel so propiu nome o bien ser  propuestos  por cualesquier persona a títulu individual o en  representación d’instituciones o colectivos, incluyíos los miembros del Xuráu.

Les propuestes van presentase nel rexistru de la Fundación Municipal de Cultura, Educación y Universidá Popular (Centru de Cultura Antiguu Institutu. c/ Xovellanos, 21.33201 Xixón). Les candidatures tendrán d’incluyir una curtia memoria xustificativa de los méritos que s’alieguen para optar al Premiu que va ser valorada polos   miembros  del Xuráu compuestu por  persones representatives  del campu del llibru y la llectura,  y que va ser  designáu pola Fundación Municipal de Cultura, Educación y Universidá Popular. El Xuráu va poder faer tamién les sos propies propuestes.

El plazu pa optar al X Premiu Mª Elvira Muñiz ábriose’l día 24 d’ochobre de 2019 y la fecha llende para la presentación de propuestes va ser el 29 de payares de 2019.

Tamién te podria gustar