Convocáu’l V Concursu Escolar d’Árboles de Navidá Reciclaos de Xixón

EMULSA vieno acabante d’abrir el plazu d’inscripción pal V Concursu de Arboles de Navidá Reciclaos nel que van poder participar tolos centros d’Educación Infantil y Primaria de Xixón, públicos y alcordaos, y que s’enmarca na Campaña de Concienciación Medioambiental Ciudadana.

Los centros educativos xixoneses participantes nesti concursu, van poder ellaborar un árbol de Navidá  con materiales procedentes del reciclaxe y que destaque pola so orixinalidá o estética y recupere l’espíritu social y comuñal que tradicionalmente tuvo la Navidá, promoviendo la participación de grandes y pequeños nuna acción creativa, lúdica y que fomenta actitúes de consumu responsable, reutilización y cuidu del mediu ambiente urbano. Esta ye una de les actividaes de la Campaña de Concienciación Medioambiental 2015-2016 de EMULSA en Xixón.

Nesti concursu d’Árboles de Navidá Reciclaos, qu’entama EMULSA, pueden participar tolos centros educativos d’Educación Infantil y Primaria y Secundaria de la ciudá y los trabayos van consistir na creación d’árboles de Navidá utilizando materiales de segundu usu, envases reciclaos… pudiendo facelo por aciu pintura o técniques mistes. Va valorase’l grau de reutilización de materiales, el compromisu col mediu ambiente, el grau de dificultá na realización, y la creatividá, estética y orixinalidá.Aquellos centros que deseyen participar nel concursu tendrán de formalizar la so inscripción y el plazu de presentación de les obres va ser del 2 al 16 d’avientu. (dambos inclusive).

El concursu va constar d’una categoría única y cada centru va poder presentar un árbol d’un mínimu de 1 m y a lo más 2 m. y qu’emplegue a lo menos 10 oxetos reciclaos distintos. Les obres van presentar a concursu de la siguiente manera: los participantes van tomar una semeya del árbol y unviar, al pie de una descripción ya identificación, per corréu electrónicu a la dirección mailto:concursoarbolesdenavidadhotmail.com