Convocáu’l Premiu Xixón Ciudá Defensora de los DDHH 2022

Convocáu’l Premiu Xixón Ciudá Defensora de los DDHH 2022
18 agostu 12:23 2022 Imprimir

Dende la Conceyalía Delegada de Cooperación al Desenvolvimientu convócase’l premio Xixón Ciudá Defensora de los
DDHH 2022. La presentación de candidatures va facese por aciu propuesta razonada al traviés del Rexistru Xeneral del Conceyu de Xixón nel plazu de 45 díes naturales, a partir del anunciu de la convocatoria na publicación de la páxina web del Conceyu y nel Tablón d’Edictos Municipal.

La defensa de los derechos humanos ye un deber que toles alministraciones democrátiques tienen qu’asumir y que se tien que realizar a escala global y local. Los conceyos tienen un papel fundamental na promoción y garantía de los derechos humanos, tal como reconocieron na Carta Europea de Salvaguarda de los Derechos Humanos na Ciudá y la Carta-Axenda Mundial de Derechos Humanos na Ciudá.

En solidaridá y sofitu a les lluches polos derechos humanos que s’impulsen y caltiénense por tol mundu, Xixón va dar continuidá al so llabor nesti campu, en base tamién a la esperiencia de 21 años del PAV-DDHH, qu’acoyó a 130
defensores y defensores en viviendes municipales.

La implicación de la ciudá de Xixón na defensa y promoción de los derechos humanos tien una llarga trayectoria que se foi desenvolviendo tantu n’actuaciones para la mesma ciudadanía local como les que fueron faciendo nel ámbitu internacional.

Esiste nel conceyu una dilatada esperiencia que va dende la incidencia política (cola aprobación de mociones sobro temes de derechos humanos) hasta la sensibilización (por aciu la participación y organización de distintes actividaes pa denunciar les violaciones de los derechos humanos que se producen en toles rexones del mundu), pasando por actuaciones más concretes (como’l financiamiento de proyectos de cooperación al desenvolvimientu rellacionaos directamente colos derechos humanos o la collaboración en programes d’acoyida de defensores y defensores de Derechos Humanos en peligru).

 

  Categories: