Convocáu’l concursu d’idees pal paséu marítimu de Fomentu

Convocáu’l concursu d’idees pal paséu marítimu de Fomentu
26 08:45 2020 Imprimir

La Xunta Municipal de Gobiernu, axuntada en sesión telemática esti 24 de payares, dio lluz verde a les bases del concursu d’idees para la remodelación y ordenación del ámbitu del paséu marítimu de Fomentu-Poniente con un valor envaloráu del contratu de 35.000 euros IVA escluyíu.

D’esa cuantía, 20.000 euros correspuenden al premiu en  metálicu que va recibir el ganador al pie de un diploma acreditativu y afítense 2 accésits de 7.500 euros cada unu y diploma.
Lletres de Xixón nel Puertu Deportivu

Contempla la ordenación y diseñu baxu una estratexa de conexón y continuidá de la redolada de les cais Claudio Alvargonzález, Rodríguez San Pedro, Avenida de Juan Carlos I y les víes de l’arrodiada, hasta llegar a la Plaza del Padre Máximu González. Les propuestes tienen de dar solución a una nueva ordenación de la movilidá na que se priorice la movilidá piatonal y ciclista, asegurando la conexón y continuidá del itinerariu ciclista escontra la Plaza Mayor y carril-bici del muriu de San Llorienzo escontra l’oeste col qu’escurre al pie de la sablera de Poniente.

Coles mesmes, tien de contemplar la pacificación de la exa viario amenorgando la intensidá del tráficu priváu n’ares de protexer la movilidá activa y el tresporte públicu. Para ello, el Conceyu va poner a disposición de los concursantes datos disponibles de la rede municipal d’aforos de tráficu del ámbitu xeográficu del concursu. Amás, tendrá d’asegurase l’accesibilidá universal en tolos ámbitos del paséu y la so redolada al traviés del cumplimientu de la normativa estatal y autonómico vixente nesta materia y de la continuidá de los itinerarios piatonales.

Unu de los oxetivos d’esti concursu ye recuperar les cualidaes como espaciu estancial d’esparcimientu y convivencia ciudadana, la so identidá y el so papel simbólicu como pieza de referencia ente los espacios de la ciudá. Esto tien de basase nuna propuesta clara de reordenación  de los distintos espacios y ámbitos del paséu ente espacios estanciales, d’alcuentru y de tránsitu, cola continuidá, homoxeneidá y permeabilidá de too l’espaciu, potenciando la intervención d’elementos y/o corredores de vexetación natural.

Más información

  Categories: