Portada Cooperación Convocatoria de subvenciones pal desenvolvimientu de proyectos d’inclusión social n’Avilés

Convocatoria de subvenciones pal desenvolvimientu de proyectos d’inclusión social n’Avilés

by redacción asturnews

Esti martes, 5 de xunetu, arrinca’l plazu de presentación de solicitúes pa optar a les subvenciones que’l Conceyu d’Avilés, al traviés de la Área de Promoción Social, destina a entidaes ensin ánimu d’arriquecimientu pal desenvolvimientu de proyectos y programes d’inclusión social.Les solicitúes pueden presentase hasta’l 25 de xunetu, tantu de manera presencial como al traviés d’esti enllaz. L’importe total destináu a los cinco llínees subvencionables ye de 174.784 euros. Les solicitúes tendrán de referise a proyectos que s’afaigan a una de los cinco llínees de subvenciones:

Llínea 1 (dotada con hasta 29.000 euros) – Programes integrales que desenvuelvan midíes d’acompañamientu y formación empuestes a la integración personal, social y llaboral de muyeres en situación o riesgu d’esclusión social.
Llínea 2 (dotada con hasta 32.500 euros) – Proyectos formativos pa favorecer  l’insertamientu social y llaboral pa persones de mala incorporación al mercáu llaboral en situación de riesgu o esclusión social, al traviés de proyectos formativu-ocupacionales.
Llínea 3 (dotada con hasta 6.000 euros) – Programes de Sofitu a midíes d’atención ya insertamientu sociolaboral de persones inmigrantes.
Llínea 4 (dotada con hasta 15.000 euros) – Programa pa integración de la diversidá y acompañamientu inclusivu al traviés de talleres de ciudadanía pa población xitana y persones inmigrantes.
Llínea 5 (dotada con hasta 92.000 euros) – Programa d’agospiamientu de media estancia y acompañamientu social pa persones ensin llar con un mínimu de 15 places. L’oxetivu últimu d’esti proyectu ye’l de facilitar una estancia estable nel recursu residencial pal desenvolvimientu d’actividaes que dexen cubrir necesidaes básiques y ellaborar xuntu coles persones un plan personal dirixíu a la reestructuración personal y la plena autonomía.

 

Tamién te podria gustar