Convocatoria de subvenciones pa les asociaciones de la zona rural de Xixón

by redacción asturnews | junio 12, 2018 11:02 am

La Fundación Municipal de Cultura, Educación y Universidá Popular del Conceyu de Xixón vieno acabante convocar subvenciónes pa les Asociaciones de Vecinos de la zona rural de Xixón.

Ellí onde la ufierta habitual de cursos y talleres de la UP nun llega ye onde esti programa de subvenciones incide, completando l’acción de la UP na ciudá y estendiéndola a tol conceyu. Magar ye cierto qu’en Xixón la población rural atópase partida de forma esvalixa les asociaciones vecinales de les distintes parroquies disponen de locales nos que puen realizar cursos y talleres de bien distintes temátiques. Ye por ello que ca añu subvenciónense económicamente proyectos y cursos de calter formativu y d’ociu cultural que pretenden fomentar l’alcuentru ente’l vecinderu de la zona rural al traviés de la participación n’actividaes d’enseñanza y aprendizaxe.

Pa poder atopar les bases de la convocatoria y los distintos formularios pueden pinchar nesti enllaz[1]. El plazu remata’l 15 de xunu.

Endnotes:
  1. enllaz: https://sedeelectronica.gijon.es/from/4624/subvencions/show/1672-convocatoria-de-subvenciones-de-la-fundacion-municipal-de-cultura-educacion-y-universidad-popular-del-ayuntamiento-de-gijon-xixon-para-asociaciones-de-

Source URL: http://asturnews.com/convocatoria-de-subvenciones-pa-les-asociaciones-de-la-zona-rural-de-xixon/