Convocatoria añal de solicitúes del proyectu ‘Circuito Autores nel Camín’

Convocatoria añal de solicitúes del proyectu ‘Circuito Autores nel Camín’
31 xineru 09:28 2022 Imprimir

El Circuitu Autores nel camín pon en contactu al públicu asturianu con autores ganadores de los premios convocaos o impulsaos pola Conseyería de Cultura, Política Llingüística y Turismu al traviés d’alcuentros, recitales y talleres lliterarios y acaba facer la so convocatoria añal.

Con esta iniciativa la Dirección Xeneral de Política Llingüística del Principáu d’Asturies promueve y financia alcuentros lliterarios, teatrales y musicales ente’l públicu asturianu y autores ganadores de los premios impulsaos en 2021 pola Conseyería de Cultura, Política Llingüística y Turismu en tol territoriu asturianu.

L‘oxetivu ye xenerar una programación integrada por siquier 5 actuaciones musicales, 5 representaciones teatrales y 40 alcuentros lliterarios ente’l 15 de marzu y el 31 d’avientu de 2022. Van poder formar parte d’esti circuitu tolos consistorios del Principáu d’Asturies que lo soliciten, y colos que la SPGP va suscribir un conveniu de collaboración nel que se van concretar los detalles de la programación del circuitu.

Descargar equí les condiciones y catálogu de proyectos.

Tramitación de solicitúes: dende les 9:00 h. del 31 de xineru de 2022 hasta les 14:00 h. del 14 de febreru de 2022 por aciu la unviada de la ficha de solicitú al corréu electrónicu: ymontes@turismoycultura.asturias.es

Descargar la ficha de solicitú en castellano, asturiano y gallego-asturiano.

  Categories: