Portada Conceyos Convocase’l Premiu de Novela Café Xixón 2020

Convocase’l Premiu de Novela Café Xixón 2020

by redacción asturnews

Dende la selmana pasada alcuéntrase abiertu’l plazu de presentación d’orixinales pal Premiu de Novela Café Xixón 2020, rematando’l 15 de mayu de 2020. Van Poder optar al Premiu “les noveles inédites escrites en llingua castellana que nun fueren premiaes enantes en nengún otru concursu”. L’autor respuende de l’autoría y orixinalidá de la novela presentada al Premiu, lo mesmo que de nun ser copia nin cambéu d’obra ayena.

La presentación d’orixinales va poder faese:

a. Al traviés d’Internet. Rellenando, na Oficina Virtual del Conceyu de Xixón/Xixón (http://www.gijon.es/cafegijon/) el formulariu correspondiente y axuntando nel mesmu l’orixinal en formatu electrónicu (pdf, doc). Una vegada unviáu’l formulariu telemáticu, la Oficina Virtual devuelve un comprobante acreditativu, cola fecha y hora de presentación. Aquellos concursantes qu’unvien la so novela al traviés d’internet y participen con seudónimu, tendrán d’unviar amás per corréu postal una plica o sobro zarráu, col seudónimu y títulu nel esterior, y colos datos identificativos (nome, apellíos, dirección y teléfonu) nel interior, a la dirección más embaxo indicada.
b. Per corréu postal: va unviase la novela impresa,por duplicáu, indicando nel esterior del paquete “Premio de Novela Café Xixón”, a la siguiente dirección:

Fundación Municipal de Cultura, Educación y Universidá Popular
C/ Xovellanos, 21
33201 Xixón/Xixón – Asturies

El Premiu Café Xixón pa noveles curties foi instituyíu en 1949 pol actor Fernando Fernán-Gómez y algunos amigos colos que compartía conxusta nel célebre café del paséu de Recoletos (Camilo José Cela, José García Nieto, Manuel Aleixandre, Eduardo Haro Tecglen, Regino Sáinz de la Maza, Manuel Pilastres…). Dende principios de los cuarentase celebraben ellí numberoses y animaes conxustes de la más variada especie:escritores, pintores, xente de la farándula.

Un grupu deaquellos mozos concibió la idea de crear un premiu lliterariu, retruque del prestixosu Nadal que se convocaba en Barcelona. El Premiu Café Xixón pa noveles curties foi convocáu per vegada primera a final de 1949 por Fernando Fernán-Gómez,quien corrió con tolos gastos que’l certame causaba, incluyida la publicación de la obra ganadora.

En 1989, tres una posa coincidente cola remodelación de les instalaciones del centenariu café, el Conceyu de Xixón tomó la decisión de dar un nuevu impulsu a esti premiu, yá na modalidá de novela llarga y con un considerable aumentu de la so dotación económica

Nel añu 2019 la novela ganadora foi West End de José Morella (Siruela, 2020).

Bases 2020

Tamién te podria gustar