ConceyosFiestesSociedá Convócase’l I Concursu de decoración navidiega con materiales reciclaos n’Uviéu by redacción asturnews 19 de payares, 2019 written by redacción asturnews 19 de payares, 2019 42 La conceyala delegada de Centros sociales, Lourdes García, presentó en rueda de prensa’l I Concursu de decoración navidiega con materiales reciclaos nos centros sociales, que se va desenvolver los díes 18, 19 y 20 d’avientu. La conceyala sorrayó que l’oxetivu ye “potenciar el trabayu colaborativo interxeneracional, la cultura popular asturiana y la economía circular al traviés del desenvolvimientu de decoraciones colectives d’espacios públicos por cuenta de les fiestes navidiegues. Para ello emplegarán materiales que fomenten l’amenorgamientu, la reutilización y el reciclaje”. La responsable municipal de los Centros sociales tuvo acompañada de Begoña Honráu, coordinadora de la Escuela municipal de Sostenibilidá del Conceyu quien adelantró que, “amás del concursu, van entamase talleres informativos a partir del 21 de payares, en toos aquellos centros sociales que s’inscribieren al concursu para conocer los materiales, puntos de vista, idees…P’apuntase, hai que ponese en contactu col serviciu d’animación sociocultural de cada centru social, que va anotar a les persones comenenciudes dientro del grupu concursante de cada centru social, y va unviar esta relación per vía electrónica. Les solicitúes cerrarán el 20 de payares”. El xuráu va visitar les decoraciones los díes 18, 19 y 20 d’avientu, día esti postreru nel que se va dar a conocer el ganador. El centru social galardonáu va cuntar con una ruta empuesta polos Meandros del Nora para 55 persones y una degustación de productos ecolóxicos. La conceyala de centros sociales concluyó destacando la collaboración cola de Mediu ambiente y animó a tolos usuarios a participar. 0 FacebookTwitterPinterestEmail Anterior L’alcalde d’Uviéu aconceya cola conseyera d’Educación del Principáu siguiente Horarios especiales nes sales d’estudiu de la rede de Centros de Xixón Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre El Trasiegu Fest conclúi col envís de poner... El Trasiegu Fest va tener un mercáu con... Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes