Convocaos los Premios ‘Impulsando Asturies’ d’alimentación saludable

Convocaos los Premios ‘Impulsando Asturies’ d’alimentación saludable
26 abril 09:15 2017 Imprimir

CAPSA FOOD convoca estos premios empobinaos a viveros d’empreses, universitarios, xente acabante titular y mozos entamadores, con un plazu de solicitú que va del 2 de mayu al 2 de xunetu.

Esta primer edición de los Premios a la Innovación n’Alimentación Saludable “Impulsando Asturies”, colos que buscase fomentar l’emprendimientu asturianu y premiar inciatives que promuevan la salú a al traviés de la nutrición, acaben de convocase.

Puen optar a ellos toes aquelles idees innovadores qu’ayuden a impulsar o faciliten vezos d’alimentación saludable al traviés del desenvolvimientu de productos o nueves tecnoloxíes (propuestes rellacionaes cola innovación n’ingredientes, procesos, ganaderíes, puntos de vienta…). Van poder participar nesti certame persones xurídiques y físiques comenenciudes: Estudiantes universitarios, llicenciaos, Universidaes o cualesquier de los sos departamentos, mozos entamadores, sociedaes mercantiles, etc.

El plazu pa presentar los proyectos toma dende’l 2 de mayu hasta’l 2 de xunetu d’anguaño. Escoyíes les meyores idees, los sos autores van desenvolver antes del 25 de setiembre. El fallu del xuráu va dar a conocer n’ochobre de 2017. El xuráu formáu por espertos de Central Llechera Asturiana va escoyer los trés meyores proyectos pa otorgar tres premio -1º, 2º y 3º-, que tán dotaos con 5.000, 3.000 y 1.000 euros, respectivamente.

El Xuráu va valorar cada Proyectu n’atención a los siguientes criterios:

– Orixinalidá
– Viabilidá
– Grau d’innovación de la propuesta.
– Contribución del proyectu a la meyora de la salú y vezos de vida.
– Relación del proyectu colos valores y productos de la entidadpromotora.
– Diferenciación con al respective de lo esistente nel mercáu.

  Categories: