CooperaciónEducación Conveniu del Conceyu d’Uviéu cola Fundación Universidá by redacción asturnews 7 de payares, 2018 written by redacción asturnews 7 de payares, 2018 39 El conceyal d’Economía, Rubén Rosón, y Cecilia Bethencourt, xerente de la Fundación Universidá d’Uviéu, presentaron ayeri’l conveniu pol que’l Conceyu va sofitar con 55.000 euros dos programes pa egresados de la institución académica. Con estos dos nuevos programes, trátase de favorecer l’accesu al mundu empresarial pa los nuevos titulaos al traviés de dos llínees: ‘Sí, somos innovación’, y ‘Ecuadrado’, nos que participen, de media, ente 70 y 80 alumnos en caúnu. Dambos pretenden facilitar que los universitarios tengan una esperiencia práctica nel desenvolvimientu de modelos empresariales. El segundu va enfocáu al asesoramientu, al emprendimientu per parte de los titulaos. Nel primeru, esplicó Bethencourt, convocas a empreses a que presenten retos na so actividá y fórmense equipos d’egresaos pa superalos con soluciones innovadores. «Dellos d’ellos aplíquense, llegaron a los conseyos d’alministración de les empreses». Pa Rosón, ye «una oportunidá como nenguna otra» pa cuntar cola collaboración de la Universidá na promoción económica del conceyu y fomentar el desenvolvimientu empresarial y la retención de talentu. Desque empezó la llexislatura, el Consistoriu suscribió una decena de convenios cola Universidá, lo que dexa que dambes instituciones «retroaliméntense», concluyó’l conceyal. 0 FacebookTwitterPinterestEmail Anterior Riaño alluga la oficialidá nun 0,5% del presupuestu siguiente La fadista Mariza, Premiu Lusu Español d’Arte y Cultura 2018 Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...