Portada Fiestes Continua el programa d’actos culturales y musicales nes Feries de L.lena

Continua el programa d’actos culturales y musicales nes Feries de L.lena

by asturnet

Les Feries de L.lena, fiesta grande cel conceyu de Llena entamaron ayer miercoles 10 col pregón del periodista deportivu de la Cadena SER, Heri Frade. L’actu cellebrose nell Teatru Vital Aza de La Pola. Na ceremonia d’apertura de fiestes actuaron los grupos “Los Pingüinos asesinos” y el Coru “La Flor”.

Pa esti xueves día 11 les fiestes acoyeran la cellebración de varios conciertos musicales con artistes llocales como’l raperu y compositor Dark La Eme, Mokomitas y La Colla Propinde,. Los conciertos van cellebrase nel escenariu instaláu na Plaza Alfonso X el Sabio a les 23:00 hores.

Pal vienres la programación entame dende bien luego (11:00 hores) col pasacais y el XXXI Concursu de ganáu “Puerta d’Asturies”. Más tarde cellebración del certame de maquetes, concursu de grafitti y teatru a cargu de la compañía “Rosario Trabanco”. Esti vienres tami´ñen van actuar el grupu “Spanta la Xente” y varios artistes de hip-hop na nueche dedicada a esi xeneru musical.

El sábadu va ser el día de los fuegos artificiales y el llunes llegará’l turnu de la misa mayor y la procesión xunto cola popular puya’l ramu. Durante toles fiestes los neños van poder disfrutar d’atracciones gratis amás de xuegos infantiles nel Colexu del Pilar.

Tamién te podria gustar