Portada Educación Conseyería y Ministeriu aconceyarán en Marzu pa preparar la especialidá d’asturianu

Conseyería y Ministeriu aconceyarán en Marzu pa preparar la especialidá d’asturianu

by redacción asturnews
Genaro Alonso, Conseyeru d'Educación, Cultura y Deportes

El conseyeru d’Educación y Cultura, Genaro Alonso, fizo anuncia esta fin de selmana de que la creación d’una especialidá docente d’asturianu pue algamase nel añu recíen entamáu, al crear col Ministeriu una Comición pa ellaborar un decretu autonómicu que tendrá la so primer xunta’l 9 de marzu.

El Conseyeru d’Educación facía l’anuncia col entamu del añu de la creación d’una comisión de trabayu col Ministeriu d’Educación, Cultura y Deporte pa empecipiar la ellaboración d’un decretu autonómicu que permita crear la especialidá docente de Llingua Asturiana y Lliteratura.

L’alcuerdu entamó a plantegase na última Conferencia d’Educación, celebrada’l13 d’agostu, cuando genaro Alonso encamentó al ministru Iñigo Méndez de Vigo a la reconocencia d’esta especialidá docente. Y cuatro meses dempués, el Ministeriu d’Educación, Cultura y Deporte comunicó verbalmente a la Conseyería que la creación de la especialidá de profesoráu d’asturianu “escapa al ámbitu competencial del Estáu”.

Darréu d’esa respuesta, Genaro Alonso caltuvo una xunta urxente col Secretariu d’Estáu d’Educación, Formación Profesional y Universidaes, Marcial Marín, el día 23 d’avientu na see del Ministeriu, en Madrid na qu’apautaron la creación d’una comisión de trabayu pa empecipiar la ellaboración d’un decretu autonómicu d’especialidá d’asturianu, que caltendrá la so primer pal próximu 9 de marzu nel Ministeriu.

La creación de la citada especialidá ye una reivindicación histórica del profesoráu asturianu pa dignificar dafechu la enseñanza de les asignatures de Llingua Asturiana y Lliteratura ya igualar les condiciones llaborales actuales del profesoráu.

Tamién te podria gustar