Conecta Xixón: una ventana ciudadana a la ciudá intelixente

Conecta Xixón: una ventana ciudadana a la ciudá intelixente
02 xineru 09:00 2020 Imprimir

Yá ta en marcha Conecta Xixón, un espaciu demostrador, que cunta con un serviciu de visites empuestes hasta’l 5 de xineru de 2020. L’espaciu, que forma parte del proyectu Xixón|DemoLAB, ta asitiáu na redolada del Paséu de Begoñ y tien como finalidá amosar, d’una manera entretenida y interactiva, les potencialidaes qu’ufierten les tecnoloxíes rellacionaes col internet de les coses (IoT) na xestión de les ciudaes.

Al traviés d’una aplicación móvil el públicu puede interactuar con dispositivos como lluminaries o fontes de riego, según afayar y comprobar cómo funcionen los sistemes automatizados de xestión del allumáu y sensorización proximidá, de ruiu ambiental y de places d’aparcamientu.

Esti vídeu resume les actividaes que pueden realizase na instalación, que cunta con un serviciu de visites empuestes de 18:00 a 21:00 hores todo los díes hasta’l 5 de xineru inclusive (sacante’l día 24 d’avientu, que nun va tener serviciu, y el día 31, en que va terminar a les 20:00).

Esta iniciativa representa’l puntu de partida p’averar a la ciudadanía los proyectos que yá tán en marcha para llograr que Xixón se convierta nuna ciudá intelixente, tratando d’implicala nel procesu y de promover la so participación. Nos próximos meses van ponese en marcha otros dispositivos p’afondar nestos oxetivos, como’l Centru d’Innovación Social.

Equí pues apuntate a los percorríos empuestos y aportar a tola información rellacionada con esta iniciativa.

  Categories: