Conciertu solidariu a favor de l’Asociación contra’l Cáncer (AECC) nel auditoriu de la Casa de la Cultura

Conciertu solidariu a favor de l’Asociación contra’l Cáncer (AECC) nel auditoriu de la Casa de la Cultura
13 avientu 16:12 2018 Imprimir

Un conciertu solidariu a favor de l’Asociación contra’l Cáncer (AECC), entamáu per Agües d’Avilés, el Conceyu d’Avilés y el Puertu d’Avilés,  va celebrase esti sábadu 15 d’avientu a les 20 hores, con Vaudí Cavalcanti, en collaboración con Pipo Priendes y un cuartetu de cuerda del Conservatorio Julián Orbón. Les entraes yá tán a la vienta y l’importe recaldáu va dir destináu íntegramente al programa de beques predoctorales de AECC.

L’auditoriu de la Casa de la Cultura d’Avilés va acoyer, el próximu 15 d’avientu a les 20 hores, un conciertu solidariu a favor de l’Asociación Española Contra’l Cáncer (AECC), entamáu per Agües d’Avilés, el Conceyu d’Avilés y el Puertu d’Avilés. Va Actuar el cantante brasileñu Vaudí Cavalcanti y, amás, va cuntar cola collaboración d’un cuartetu de cuerda del conservatorio de música Julián Orbón y la participación de Pipo Priendes como artista invitáu.

Les entraes yá tán a la vienta na see de la AECC d’Avilés (C/ José Cueto, nº 3), na rede de caxeros de Liberbank y nos comercios avilesinos Juvima (C/ Cabruñana nº 2) y La Economía (C/ La Cámara, nº 21). El so preciu ye de 10 euros en vienta antemanada y 15 euros el día del conciertu, y l’importe íntegru va dir destináu a la AECC.

La recaldación va destinase a ayudes predoctorales para estudiantes, que l’Asociación Española Contra’l Cáncer d’Asturies empezó a apurrir l’añu pasáu. La concejala de Cultura, Yolanda Alonso, la xerente d’Agües d’Avilés, Carmen Álvarez, y Margarita Collada, vicepresidenta de l’Asociación Española Contra’l Cáncer n’Asturies, presentaron esti día a los medios de comunicación el recital nun actu nel que tamién tuvo presente Vaudí Cavalcanti. El cantautor brasileñu va interpretar mientres el conciertu pieces del so últimu discu, que van de los cantares brasileños, a boleros y coples. Coles mesmes, y al pie de Pipo Priendes van llanzar con temes tradicionales, conocíos por tol públicu.

  Categories: