Portada Conceyos Conciertu del Cuartetu Concerto en La Pola

Conciertu del Cuartetu Concerto en La Pola

by redacción asturnews

Enmarcáu nos actos de la Selmana de la Música de Santa Cecilia, va tener llugar esti llunes 21 de payares, a les 20 hores, nel Teatru Auditoriu de La Pola un conciertu del Cuartetu Concerto.

El Cuartetu de Cuerda Concerto desenvuelve un espectáculu musical y teatral pa la conmemoración de Cuadonga 2022, nel que vamos poder esfrutar con un repertoriu especialmente escoyíu de música instrumental col que vamos percorrer un más qu’interesante camín musical L’oyente va poder esfrutar de soníos medievales y de la renacencia, de polifonía instrumental y asina dir percorriendo’l camín cola so imaxinación, pero amás y aprovechando los marcos incomparables qu’Asturies tien: ilesies, monesterios, cenobios, santuarios, pontes etc… Vamos Poder esfrutar d’un espectáculu de melodíes unes conocíes y otres por conocer que van faer ensin dulda les delicies de los oyentes.

Los miembros del Cuartetu Concerto crearon con mimu un interesante repertoriu específicu basándose na sonoridá de la música relixoso y profano dende finales del sieglu VIII hasta’l sieglu XIV. La idea de poder escuchar música vocal de la dómina treslladada a preseos de cuerda estregada, escuchar les melodíes medievales qu’antaño se cantaben y acompañaben con preseos de cuerda pulsiada treslladaes con mimu a violinos, violes y cellos, resulta non solo interesante sinón tamién distintu.

Tamién te podria gustar