MúsicaPlástiques Conciertu de “Llobos Negros” a ritmu de rock coles sos guitarres cerámiques by redacción asturnews 25 d'ochobre, 2018 written by redacción asturnews 25 d'ochobre, 2018 36 Na tarde-nueche d’esti xueves 25 d’ochobre la Factoría Cultural va acoyer un conciertu de “Llobos Negros” a ritmu de rock coles sos guitarres cerámiques. Y van Ufiertar tamién una clase maxistral sobre’l procesu de fabricación de les primeres guitarres electroacústiques de cerámica del mundu. Esti xueves, 25 d’ochobre, rematen les celebraciones del 35 aniversariu de la Escuela de Cerámica d’Avilés. Y dende la conceyalía de Cultura celebrase con un conciertu de Llobos Negros”, la banda que lidera Luis Martín, de la mesma impulsor de la nacencia de la primer guitarra cerámica del mundu, “Lloba Negra”. El mesmu Martín va ufiertar una clase maxistral sobre’l procesu creativu que remató nel novedosu preséu musical, al qu’él mesmu da vida sobre l’escenariu. El taller va empezar a les 20 hores y de siguío, a les 21 hores, el recital, dambos na Factoría, con entrada llibre y gratuita hasta completar l’aforu. Esposiciones, cursos, talleres… La celebración de la puesta en marcha de la Escuela de Cerámica d’Avilés caltuvo una axenda apinada d’actos mientres ochobre, que van rematar esti xueves, día 25. Una fecha simbólica, cuidao que se cumplen los 35 años d’entamu de les clases. Un conciertu y una clase maestra alredor d’un preséu musical únicu, “Lloba Negra”, pos asina bautizaron a les primeres guitarres de cerámica electroacústiques de les que se tien constancia nel mundu. “Lloba Negra” surdió de la imaxinación de Luis Martín. Fundador y líder de la banda de rock Llobos Negros, y nacíu n’una de les capitales de la cerámica n’España, Talavera de la Reina, xerme ya impulsu definitivu a la idgea. “Asocedióme crear una guitarra de cerámica pensando nes primeres grabaciones musicales de la década de los cincuenta que se faíen n’Estaos Xuníos ya Inglaterra en cuartos de bañu, aprovechando la sonoridá de los azulexos o nos portales de viviendes antigües buscando l’acústica de les baldoses de cerámica”, recordaba’l mesmu Martín cómo nel añu 2002 atopó la grana que granaría en 2003 cola presentación de “Carmen Lloba”, el primer modelu de guitarra. Con 15 álbumes a los sos llombos, distintes collaboraciones en discos colectivos, en bandes sonores, destaquen pol so potente directu y pola so entrega nel escenariu. Y dende el 2013, pol peculiar soníu, yá xuna seña d’identidá, de la guitarra cerámica que fai cimblar Luis Martín cuando n’escena ver de Lluis Llobu Negru. 0 FacebookTwitterPinterestEmail Anterior La Universidá y la Fundación CTIC llancen la Cátedra de Tresformamientu Dixital siguiente Almudena Grandes lleva’l Premiu Nacional de Narrativa Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón