Conciertos Imposibles en XIxón: MTV Unplugged de Nirvana

04 abril 08:52 2019 Imprimir

El Salón d’Actos de la Escuela de Comerciu de Xixón va acoyer esti xueves 4 d’abril a les 20 hores, una nueva sesión del ciclu Conciertos Imposibles col MTV Unplugged de Nirvana (Beth McCarthy-Miller, 1993).

El ciclu detiense nel 25 aniversariu de la muerte de Kurt Cobain y pa conmemoralu proyecta’l más que míticu “MTV Unplugged” que foi grabáu nos estudios Sony de Nueva York el 18 de payares de 1993. Cuatro meses dempués Kurt Cobain quitaríase la vida a los 27 años, la lleenda nacería y esti conciertu va quedar como unu de los últimos conciertos de la gran banda de finales del sieglu XX.

Nel escenariu vese a Kur, al mandu d’una formación que yá entós daquella se taramellaba sobro los bandazos del so líder, xuntu a Pat Smear, que foi presentáu como nuevu guitarrista y depués diríase con Dave Grohl a Foo Fighters, a Novoselic hieráticu y el mesmu Dave que cerca tuvo de nun participar nel acústicu pol so dexe selvaxe na batería.

La resultancia más allá de la trescendencia posterior ye la d’una de les meyores sesiones acústiques enxamás grabaes que sirvió pa enfusar nel mainstream a una banda nacida nos subterfugios de Seattle.

  Categories: