Portada Educación Concha Masa reclama al Conseyeru que cumpla los compromisos col colexu de Pando

Concha Masa reclama al Conseyeru que cumpla los compromisos col colexu de Pando

by redacción asturnews
Llamazares y dellos otros diputaos d'IX na Xunta Xeneral

La diputada d’IX, Concha Masa, que’l pasáu vienres visitó’l colexu de Pando, considera que la escolarización del alumnáu d’infantil debíu al zarru del parvulariu de la Colonia Ceano fai necesaria la construcción d’un aulariu d’infantil en tarrén que yá dexó’l Conceyu d’Uviéu.

La diputada, que s’axuntó col director del Colexu y con representantes de los padres y madres, tamién alvierte de que’l colexu tien ensin ameyorar los sos accesos y los patios de recréu, que nun tán afechos pa neños pequenos. Dende la dirección del colexu tamién reivindicaron unes graes pal polideportivu del centru escolar, una instalación que nestos momentos usase pa numberoses competiciones, incluyíes les de clubes deportivos.

Concha Masa, la diputada d’IX encargada d’Educación, recuerda al conseyeru que tendría de cumplir los compromisos qu’asumiera cuando anunció’l zarru del aulariu de la Colonia Ceano, que nun yeren otros que la realización d’obres menores pa l’adecuación d’espacios y la proyección  d’otres p’ameyorar los accesos.

Tamién te podria gustar