Conceyu y UCAYC anueven el Pactu Avilés pol Comerciu

Conceyu y UCAYC anueven el Pactu Avilés pol Comerciu
20 mayu 09:02 2019 Imprimir

L’alcaldesa Mariví Monteserín y el presidente de la Unión de Comerciantes, José Manuel García ‘Roxín’ r anuevaron el Pactu Avilés pol Comerciu esta selmana pasada. El Conceyu apurre 88.000 euros pa la dinamización del sector y l’allugamientu de la marca de ciudá pa l’atracción de consumidores y visitantes.

L’alcaldesa d’Avilés, Mariví Monteserín, y el presidente de la Unión de Comerciantes d’Avilés, José Manuel García ‘Roxín’, roblaron esti xueves la renovación del Pactu Avilés pol Comerciu. Tratase del conveniu de collaboración que dambes entidaes vienen roblando dende l’añu 2005  al envís d’optimizar los recursos pal desenvolvimientu sostenible del sector comercial nel conceyu.

Por aciu esti alcuerdu pretende asitiase la marca de ciudá como referente pa l’atracción de consumidores o visitantes d’ámbitu comarcal y rexonal. El costu global de les actuaciones del Pactu Avilés pol Comerciu nel añu 2019 xube a 227.350 euros ya inclúi xuna aportación municipal de 88.000 euros.

Nel añu 2019, el Pactu Avilés pol Comerciu recueye dos ámbitos d’actuación:

1. Los proyectos propios de la UCAYC que dinamicen la collaboración, innovación y promoción del comerciu local. Estos proyectos desenvuelven campañes y productos turísticos-comerciales, onde se complementen la dinamización económica del sector y la proyección rexonal del conceyu como ciudá de compres. Nestes actuaciones propies de la UCAYC prevense:

  • Ambientación y llume navidiego de les cais comerciales de la ciudá
  • Promoción de la imaxe Turístico y Comercial de la Ciudá.
  • Campañes de Promoción de la ufierta comercial del conceyu
  • Espardimientu y promoción de marques calidable del pequenu comerciu.
  • Formación pal sector comercial
  • Edición de Folletos y Publicaciones de Promoción

2. La xestión d’espacios urbanos de la ciudá como Centros Comerciales Abiertos, con especial relevancia del Centru Históricu Comercial y la zona comercial de Versalles-El Arbolón.

Les actuaciones nel Centru Históricu busquen asitiar el cascu históricu d’Avilés como espaciu turísticu-comercial, proxectando un escenariu singular pa l’atracción y acoyida de nuevos públicos comerciales o turísticos a lo llargo de too l’añu.

N’igual midida incorpórase la zona comercial de Versalles-El Arbolón, rellacionándola cola dinámica de proyección d’Avilés como ciudá de compres. Abarca:

  • Campañes de promoción comercial especifiques.
  • Programa d’Innovación tecnolóxica amestada al Centru Históricu Comercial.
  Categories: